í kjallaranum

þar til annað kemur í ljós

2006-10-14T18:13:00.000Z

nýstofnað vefrit

nýstofnað helguland

aðrar systur er hægt að finna á götum reykjavíkur. bless í bili.

2006-09-16T18:39:00.000Z

Ég er svona pínulítið aðeins að spá í að kíkja á Nick Cave tónleika á eftir.

2006-09-14T16:59:00.000Z

Læst úti í hellirigningu!

Þá getur maður nú aldeilis þakkað guði fyrir Kaffitár í Þjóðminjasafninu og Radiohead.

Amnesiac hljómar eiginlega bara betur í rigningu ....

Lag: Pyramid song

2006-09-12T11:04:00.000Z

Veirur og bakteríur eru vinir mínir þessa dagana. Eða óvinir, ef út í það er farið. Allavega er ég orðin hysterísk. Fékk smá illt í augað og hélt auðvitað strax að ég væri með sýkingu. Kannski samt þess virði að tékka á því, fyrst ég get gert það bara sjálf í verklegum tíma.

Bókin sem ég er að lesa er líka yndisleg. Hún heitir í alvöru Clinical microbiology made ridiculously simple og er frekar mikið alltaf í karakter:

Síðar í vetur fer ég síðan í lyfjafræði og þá ætla ég að lesa bók sem heitir Pharmacology at a glance. Kannski verður bara best að leita bara aldrei til mín þegar ég verð orðin læknir, allavega verður þekking mín á þessum greinum varla sérlega yfirgripsmikil.

2006-09-11T22:19:00.000Z

Ég hefði fyrirfram ekki trúað því hvað er ótrúlega lovlí að búa niðrí bæ. Laufásvegurinn á ekkert smá vel við mig og útsýnið mitt, vá! Það mega allir koma í heimsókn og sjá.

Það ríkir því mjög almenn ánægja með flutninginn, hjá öllum nema tveimur. Heima á Laufásvegi húkir mjög óánægður köttur sem vill helst alls ekki fara framundan rúminu. Fyrir utan Laufásveg 58 heldur sig annar köttur og mjálmar reiðilega á okkur heimilisfólkið þegar við komum heim. Skiljanlega, við stálum íbúðinni hans.

Í fyrradag tókst honum meira að segja að komast alla leið upp í íbúð, og hann fékk sér svolítið að borða úr matarskálinni hans Muggs. Lán í óláni að þeir hittust ekki, held að það hefði getað orðið smá uppákoma. Nema náttúrlega að þeim tækist að bonda yfir vitleysunni í eigendum þeirra.

2006-09-11T12:45:00.000Z

11. september í dag.

Allir sem ég þekki muna hvar þeir voru 11. september 2001. Ég tengi svona við nokkra fleiri stóratburði, ég var til dæmis á hótelherbergi við Römbluna í Barcelónu þegar ég frétti að Díana prinsessa væri dáin. Ég var steinsofandi þegar Bandaríkjamenn réðust inn í Írak, en ég man afskaplega skýrt eftir forsíðu Morgunblaðsins morguninn eftir þar sem ég stóð í forstofunni hjá afa á Víðimel .....

Hins vegar tengi ég ekki nærri jafn mikið við innlenda atburði sem (allavega sumum) finnast merkilegir! Ég man ekkert hvar ég var þegar Davíð Oddsson tilkynnti um að hann væri að fara að hætta, rámar reyndar óljóst í að hafa verið heima þegar fréttist af því að Halldór væri að segja af sér en það var nú líka bara í sumar.

En ég man nú samt hvar ég var þegar Ólafur Ragnar neitaði að skrifa undir fjölmiðlalögin. Kannski samt bara vegna þess að ég var einmitt stödd í höfuðstöðvum Fréttablaðsins við Skaftahlíðina.

Ég held að 11. september sé líka fínn dagur til að leggja upp í heimsreisu. Óska Önnu Pálu og Barböru góðrar ferðar.

2006-08-28T13:44:00.000Z

Sumarið bara kom og fór án þess að ég bloggaði. Enda búin að setja standardinn fáránlega hátt, held ég hafi talað um besta sumar í manna minnum ....

Ég er samt ekki frá því að sú spá hafi ræst, allavega skemmti ég mér fáránlega vel. Tónlistarsumarið 2006 verður allavega ábyggilega aldrei toppað ....

1 Ticket to Ride - Bítlarnir. Júní leið ótrúlega hratt og var ekkert svo eftirminnilegur, greyið. Mig rámar samt eitthvað í grill og Bítlana, bæjarferðir og slatta af fótbolta.

2 John Wayne Gacy, jr. - Sufjan Stevens. Við Steindór minn keyrðum austur á land síðustu helgina í júlí. Þórbergssafnið og Heiðardalurinn voru viðkomustaðir og Sufjan Stevens fékk að njóta sín einhvers staðar í óbyggðum firði á Austurlandi, og reyndar aftur í Öxnadalnum á leiðinni heim.

3 The State That I'm In - Belle & Sebastian. Tónleikarnir á Borgarfirði eystri voru auðvitað æði. Þetta minnir líka á Snæfell og öræfin við Kárahnjúka seint um kvöld í fáránlega fallegu veðri.

4 Killing Me Softly - Fugees. "Rúntur" sem við tókum niður að Töfrafossi sem sökkt verður í Hálslón hvað á hverju. Rosalega lélegur vegarslóði en úrvalsfélagsskapur Kristínar, Yngva og Garðars.

5 Fisherman's Woman - Emilíana Torrini. Ég hef aldrei skilið af hverju þetta lag er svona ofboðslega stutt á disknum! Á tónleikunum á Borgarfirði kláraði Emilíana hins vegar lagið. Ég grét.

6 Minn hinsti dans - Páll Óskar. Þar sem Red River Rock, glæsibifreið systur minnar og mágs, er ekki búin geislaspilara var tónlistarvalið í annarra höndum. Þannig atvikaðist það að Páll Óskar setti sinn svip á fallegan laugardag í Fnjóskadal. Afskaplega huggulegur dagur þrátt fyrir jarðarför.

7 Heartbeats - José González/The Knife. Gaman að fá að heyra bæði sama kvöldið, jafnvel þó að við þyrftum að fara á slóðir dólga í Belgíu til þess. Góð byrjun á Pukkelpop!

8 Destiny - Zero 7. Ég svaf af mér Zero 7 tónleikana, upp við vegg í skemmunni þar sem þeir voru haldnir. Ég var samt svo heppin að Sædís mín vakti mig til þess að hlusta á þetta æðislega lag, svo sofnaði ég bara aftur.

9 Exit Music - Radiohead. Að sumra mati hápunktur Pukkelpop. Af persónulegum ástæðum sló samt mitt hjarta kannski fleiri aukaslög við fyrstu hljómana í No surprises. En guð minn góður, hvað þetta var fallegt.

10 Over & Over - Hot Chip. Brjálaðasta dansstemning sumarsins, í risatjaldi í Belgíu með algjöra úrhellisrigningu fyrir utan. Minnir líka á örfáa lúxusdaga í London, enda spilað í annarri hverri verslun þar í borg.

Þannig að þó að skólinn sé byrjaður og sumarið officially farið veg allrar veraldar er það samt ennþá til - í iPodinum mínum.

sumarið er tíminn

2006-08-27T14:35:00.000Z

sumarið í staðreyndum, og engri sérstakri röð:

-pukkel þýðir fýlapensill, og á pukkelpop fær maður fýlapensla, þökk sé frábærri hreinlætisaðstöðu
-í belgíu er einkennileg stemming, og belgar upp til hópa dólgar
-furðulegasta fólk veit fáránlegustu hluti um land og þjóð. t.a.m. rákumst við helga og steindór á breskan verkamann í london sem mundi eftir jóni páli, og vissi hver magnús scheving er. hvað er það!
-the knife spila ekki algjörlega live á tónleikum
-beck og hans band nota brúður á tónleikum
-zero 7 er besta lúr band í heimi
-hot chip kunna að vera hvað þekktastir á íslandi, þökk sé kb?! alltént voru íslendingarnir þeir einu sem virtust missa sig á pukkel, over&over, yfir over&over
-það er stutt í drukknun á hálendinu
-thom yorke ætti að halda sig við radiohead, og hætta að dilla sér eins og björk á tónleikum
-mick jagger dansar dólgslega. kannski er hann í raun frá belgíu?
-deep cuts er ófáanleg munaðarvara sem ekki er hægt að kaupa úr venjulegri búð að því er virðist
-eurostar lestarstöðin í brussel er einhver ömurlegasta búlla í víðri veröld. waterloo station í london er afturámóti fullkomin, og þar að auki með sturtum og stundum biluðum klósettum sem ekki þarf að borga fyrir
-ef þið farið til madridar er skylda að fara á el tigre og borga undir evru fyrir bjór og fá frían tapas með
-framsóknarflokkurinn er fullur af jónum og hans börnum
-það er ógjörningur að spara pening í london
-öryggisgæslan á heathrow er brandari
-radiohead tekur ennþá karma police á tónleikum
-einhver þarf að taka að sér að kenna frökkum ensku. og jafnvel belgum í leiðinni
-það er ekki gefið að belgískar vöfflur komi með rjóma og sultu
-bretar eru yndi, meiraðsegja þeir sem eru að túristast hér á íslandi
-benham er góður og næringaríkur réttur
-það er vandkvæðum háð að verða fullur í belgíu, jafnvel þó sumar bjórtegundir þar séu um eða jafnvel yfir tólf prósentum
-ferðalög um evrópu stíga yfirhöfuð í mold
-það er "mas o menos" allt "cerrado por obras" í madrid
-staðreyndalistar eru "so last year"
-slettur eru líka glataðar

þessi upptalning er sett fram án ábyrgðar, og þarf á engan hátt að endurspegla skoðanir allra kjallarasystra

sumum kann að langa að lesa ferðasögu sem skilur eitthvað eftir sig og er eðlilegri bæði í tíma og orðalagi. þeim sérvitringsaðilum er bent á síðuna hjá dagnýju

góðar stundir, og reynið að nýta þær fáu sem eftir eru af þessu sumri

di diddiriii

2006-07-01T11:31:00.000Z

það var ekki í fyrsta skipti sem mér tókst að vera afskaplega kjánaleg í miðbæ reykjavíkur í gærkvöldi. þessi fyrri setning er líka ekki sú óskiljanlegasta sem ég hef ritað hingað til. og hausinn á mér er frekar þungur, þannig að það væri ráð að hætta þessum skrifum hreinlega núna, strax í fæðingu. ég vildi bara koma því á framfæri að ég er á leiðinni í brúðkaup í dag til hennar semi nöfnu minnar, Mardísar. ég held meirað segja að mig hafi dreymt brúðkaup í nótt. það var í fyrsta skipti, áreiðanlega. skál fyrir ást og hamingju. kannski bara friði líka. og eigið góðan dag.

Bless kjallari

2006-06-08T13:35:00.000Z

Nú er orðið ljóst að kjallarinn verður ekki lærdómshús systranna næsta vetur. Fyrir hönd fyrrum kjallarasystra óska ég eftir góðhjörtuðum einstaklingum sem eiga kjallara til afnota og eru tilbúnir að fjárfesta í menntun systranna með því að lána hann í vetur. Viðkomandi fær að launum ókeypis læknisvitjanir, lögfræðiaðstoð og sálfræðitíma uns yfir lýkur, frá og með árinu 2012.

Annars verð ég að segja að mér finnst í hæsta máta ósmekklegt þegar æðstu menn fagna ákaft þegar maður er drepinn. Ekki að ég syrgi Zarqaúí, en mér finnst óþarfi að vera með húllumhæ yfir því að hann sé dáinn.

2006-05-29T14:48:00.000Z

Kjallarasystur eru ekki dánar .... nei, ekki aldeilis.

Ein er reyndar farin til Spánar og önnur kláraði ekki prófin fyrr en í dag. Sú þriðja vinnur við að skrifa og skrifar (kannski þessvegna) ekki mikið hér, aðdáendum er bent á Tímamótasíðu Fréttablaðsins.

Næst á dagskrá:
- sænskunám
- sumar og sól
- sund (Seltjarnarnes fær plús fyrir að opna sundlaugina, en reyndar stóran mínus fyrir kosningaúrslitin um helgina)
- sumarfrí
- stór sólgleraugu

Ég hef tilfinningu fyrir frábærasta sumri í manna minnum ...

kómískt kjaftæði

2006-05-14T11:56:00.000Z

Það fóru fáeinar klst í hvíld eftir prófin áður en næsta hrina hófst. Núna er vinnan hafin með tilheyrandi vakna kl. sjö rútínu, sem ég held btw að ég hafi ekki náð tökum á í allan vetur. En það bætir þó upp svefnleysið að það er bara alls ekki svo leiðinlegt í vinnunni, eins og eftirfarandi uppákomur kunna að sanna;

Á hótelinu er stödd kona undir nafninu Hughes. Hún situr við gestamóttökuna þegar íslenskur bílstjóri kemur inn í anddyrið og spyr eftir henni. Eftir að honum er bent á hvar konan er stödd, snýr hann sér að henni, og það næsta sem við í gestamóttökunni heyrum er "Are you huges?", sagt með háum rómi og yfir allt anddyrið. Grey konan varð sem draugur í framan og muldraði "No, I´m just regular size"...

Síminn hringir;
"Hello, this is Hotel ***, how may I help you?"
"Yes, this is ***, and I´m calling for my company ***. I was wondering; do you provide bus service to gr-een(g)-lan(d)?"
"I´m sorry, did you say Greenland?"
"Yes, gr-een(g)-lan(d). Do you provide bus service there?"
"Umm, I´m afraid that Greenland is another country, and seperated from Iceland by sea"
"No, the shopping mall; Greenglan"
"Oh, Kringlan?"....

Stjörnuspáin gerist æ undarlegri;
BOGMAÐUR 22. nóvember - 21. desember
Heili þinn er sem stendur eins og sjónvarp sem ekki er hægt að skipta um stöðvar á. Í stað þess að stilla alltaf á þrálátt vandamál skaltu heldur trufla tíðnina með einhverri afþreyingu. Að hjálpa öðrum beinir athygli þinni frá eigin vandamálum.

?what?

Gullmolar

2006-05-05T17:30:00.000Z

"...they (personality studies) also demonstrate again that when appropriate questions are asked, people can be excellent predictors of their own behaviors."

"...this concerns the doubt whether there is any difference between clitoral and vaginal orgasm...in their study of female sexuality claimed that physiologically there was no distinction, hence the shift from clitoral to vaginal erotogenicity cannot be meaningful. However, even if the orgasm is physiologically identical, it could still remain an important psychological fact that the clitoris or vagina is the preferred source of excitation."

Áfanginn er ekki kallaður perri að ástæðulausu. Ef þetta væri ekki svona skrambi mikill lestur, þá gæti ég jafnvel kannski, bara kannski, haft örlítið gaman af þessu. Annars er fyrri tilvitnunin algjört uppáhald.

Samúðarkveðjur til allra sem á því þurfa að halda; jafnt prófamaníusjúklinga sem og annarra.

á barmi prófs

2006-04-29T04:12:00.000Z

þarf hreyfingu til að skynja hreyfingu?

þarf ég svefn til að skynja svefn....?

2006-04-18T18:28:00.000Z

Athyglisbrestur

Ég er með athyglisbrest. Skil ekki að hann hafi enn ekki uppgötvast, gegnum skólagönguna sem fer að slaga í tuttugu ár.

Nú hef ég setið í Þjóðarbókhlöðunni síðan klukkan tvö í dag og er komin á blaðsíðu tvö. Og held að það sé næstum kominn tími til þess að fara heim í mat.

2006-04-17T23:16:00.000Z

"enginn lifir svo lengi að hann eigi ekki einhverju eftir ólokið"

heyr heyr. ég á einmitt eftir að gera gjörsamlega allt þessa dagana.

gleðilega páska öll sömul, og hvaða málshátt fenguði í egginu?

2006-04-05T14:53:00.000Z

Hörmungunum er lokið, í bili! Gleði og hamingja með það auðvitað. Og ég ætla aldrei, aldrei, aldrei aftur að frumlesa tvö fimm eininga fög á tveimur vikum. Takk fyrir takk.

Og allt að gerast, enda gerist alltaf allt á sama tíma. Efst í huga að sjálfsögðu svo fallegt tónverk ... nota tækifærið að auglýsa það aftur, enn lausir miðar hef ég heyrt. Annað kvöld, klukkan hálfátta.

Þannig að það er bara beint úr prófi á æfingu, og fleiri æfingar. Síðan fer ég kannski að sofa, kannski í svona þrjá sólarhringa. Eða læra, af því að núna ætla ég að gera margfalt meira af því (og kannski minna svona akkúrat í prófunum sjálfum).

Hlakka frekar mikið til helgarinnar. Mikið verður nú gaman að hitta aftur annað fólk!

2006-04-03T10:33:00.000Z

vóhóts...
Ég er búin að ákveða hvað ég ætla að verða þegar ég verð stór. Eða að minnsta kosti hvað ég ætla að læra.

01.52.01 Trúarheimspeki 2 Ólokið Maí 2007
03.02.21 Eignaréttur 7,5 Ólokið Maí 2007
03.02.22 Stjórnsýsluréttur II 7,5 Ólokið Maí 2007
01.50.02 Inngangur að almennum trúarbragðafræðum 5 Ólokið Des. 2006
01.53.00 Trúarlífsfélagsfræði 2 Ólokið Des. 2006
03.02.12 Skaðabótaréttur 7,5 Ólokið Des. 2006
03.02.13 Stjórnsýsluréttur I 2,5 Ólokið Des. 2006

mánudagar til mæðu

2006-03-27T11:49:00.000Z

BOGMAÐUR 22. nóvember - 21. desember
Hvorki æðra markmið né stórbrotið verkefni er á dagskrá í dag. Það er að segja, þangað til þú áttar þig á því, að hversdagsleg rútína og venjuleg viðfangsefni eru í raun og veru djúpstæð köllun.

ég skoða nær alltaf stjörnuspána. skeptíkusinn ég.

svo braut ég næstum á mér hendina um helgina. hendina um helgina er skemmtilegt svona hlið við hlið. en já, varðandi það þá labbaði ég á ljósastaur. eða rusl. eða skilti. man það ekki alveg. man voða fátt þessa dagana. jú reyndar, ég man það að í gær horfði ég í um tíu mínútur á þáttinn fyrstu skrefin á skjá einum. þar var ungur og nýbakaður faðir að líkja útliti barn síns við steiktan kjúkling. smekklegheitin.

mér leiðist.

2006-03-23T19:15:00.000Z

Veit einhver hvað varð um vorið?

Frekar ósátt við þetta, enda kjallarinn ekki hlýjasti staður jarðríkis. Vopnuð mörgum peysum, lopapeysu, teppi, te, stærstu ullarsokkunum mínum og rafmagnshitaranum Sigursteini sit ég ein og les. Frábært líf, ha!

Treysti því að vorið hafi skilað sér 5. apríl, því þá er ég búin í prófum.

2006-03-22T12:47:00.000Z

Stundin sem ég hef óttast lengi rann upp í gær - iPodinn minn þverneitaði að taka við meiri tónlist og ég varð að byrja að eyða út af honum.

Frekar blóðugt að þurfa að henda fullt af góðri tónlist bara út si svona. En ég komst nú reyndar að því að það var ansi margt inn á iPodnum mínum sem ég hafði aldrei hlustað á. Ekki einu sinni. Enda tæki mig víst 2,7 daga að hlusta á alla tónlistina sem er þarna - fyrir nú utan að ég hlusta meira og minna alltaf á sömu lögin og sömu tónlistarmennina.

En eftir niðurskurðinn gat ég bætt við fullt af skemmtilegu dóti. Þannig að nú á ég rosa mikið af nýrri úrvalstónlist. Spurningin er samt víst hvenær ég ætla að hlusta á þetta allt - því ég held að það verði afskaplega erfitt að keppa við Requiem eftir Mozart sem kom aldeilis sterk inn í gær. Ég held reyndar að ég muni hlusta á fátt annað fram til 6. apríl þegar ég stíg á svið í Háskólabíói (ásamt mjög mörgum öðrum) og flytja þetta geðbilaða verk með Sinfóníuhljómsveit Íslands.

Ég hvet reyndar alla til þess að koma. Háskólabíó, klukkan hálfátta, 6. apríl. Eigin sálumessa Mozarts svíkur engan - ég lofa!

2006-03-17T11:42:00.000Z

Forgangsatriði

Ég er í upplestrarfríi sem mér finnst almennt afskaplega fínt.

Venjulega nýti ég upplestrarfrí nefnilega í aðra og mun skemmtilegri hluti en að læra. Ég fer til dæmis mjög oft í sund, og mæti yfirleitt skruggulega brún í vorpróf. Svo les ég blöðin alveg spjaldanna á milli og get vitnað hægri vinstri í pistla á hinum ýmsu vefsíðum, fréttir dagsins og leiðara allra dagblaða ....

Þetta eru hlutir sem ég gef mér venjulega ekki tíma til þess að gera, en verða mér alveg óstjórnlega mikilvægir þegar ég ætti að sjálfsögðu að nota allan minn tíma til þess að læra undir próf.

Ég held samt að Solitaire sé langverstur ....

2006-03-15T23:02:00.000Z

Ef það er eitthvað sem er glatað þá er það pottþétt að vera næstum því veikur, en samt ekki. Maður er ekki nógu veikur til þess að vera bara heima hjá sér og druslast einhvern veginn í gegnum dagana án þess að meika þá almennilega.

Það er líka fáránlegt að vera rétt á meðan að læra um allskyns dót sem getur verið að manni. Næringarfræði á hug minn allan þessa dagana, og ég er alltaf á hverjum degi alveg viss um að það sem ég les sé akkúrat að mér. Blóðleysi og járnskortur, B12-vítamínskortur, glútenóþol ... ég er búin að vera viss um að þjást af þessu öllu og mörgu fleira síðustu dagana.

Og þetta er lífefnafræði! Hvernig verð ég þegar ég fer í alvörunni að læra um sjúkdóma?

andinn í efninu

2006-03-12T22:54:00.000Z

ástkærastu tækin mín hafa tekið upp á því að lúta sínum eigin lögmálum. þannig er mál með vexti að ipodinn neitar nú að uppfærast nema ég stjórni uppfærslunum handvirkt (þe færi hvert einasta lag á milli glugga). auk þess er afstæði tímans orðið heldur áþreifanlegt hjá úrinu mínu, sem gengur örlítið hægar en flest önnur. svo sem ekkert alvarlegt, nema þegar ég kannski gleymi að stilla það í viku eða svo. þá kann ég að uppgötva það mér til skelfingar að ég sé tveimur og hálfum tíma á eftir rauntíma.

mér finnst þessi hversdagslegu undarlegheit nátengd því þegar ég er stödd í algjörri þögn, en heyri þó inn á milli örhljóð sem virðast koma frá veggjunum, hlutunum í kring, eða hreinlega engu sérstöku. eins og það sé ósjáanleg vera eða efni sem sveimi í kringum mig án þess að ég verði þess sérstaklega vör. annað hvort það, eða að ofskynjanir mínar séu að aukast.

eins og gerist í herberginu mínu. í hvert sinn sem ég fer að sofa þá heyri ég sömu hrynu örhljóðanna. nokkur klikk hér og þar, örlítið skrjáfur líkt og mús sé inni í veggjunum, og svo dink í ofninum. saman röðin í hvert einasta sinn, og alltaf stuttu eftir að ég halla höfði. hugsanlega betra gangverk en mitt eigið úr þessa dagana.

það eru þó allar líkur á að batteríin í úrinu séu að tæmast og að ég kunni hreinlega ekki á þennan blessaða idiot-proof itunes.

Hungur

2006-03-06T15:11:00.000Z

Hvernig stendur á því að ég verð alltaf svöng um leið og ég er sest niður í helvítis Þjóðarbókhlöðunni?

2006-03-03T17:00:00.000Z

hvar er réttlætið í þessum heimi??

að borga 3.140 fyrir 700 ml af drykknum sem sést hér á mynd, eða rúmar 1.100 kr af 1000 ml?? HVER BER ÁBYRGÐ Á ÞESSU ?!!!

annars lýst mér helvíti vel á kvikmyndaföstudaga á kjallaranum, og hefði eflaust skellt mér þangað í dag ef aðstæður hefðu leyft.

danmörk er afar köld þessa dagana, og snjórinn nær alveg niður til þýskalands. í dag fórum við á lítið safn rétt við landamærin þar málarinn emil nolde átti heima á efri árum, en hann dó um miðja síðustu öld. þó hann hafi verið fæddur og uppalinn í þýskalandi (en bærinn sem hann kemur frá heitir nolde, og er tæknilega séð held ég í dk núna..?) og ekki með gyðingsblóð í æðum, var hann ofsóttur af nasistum, og var meðal þeirra listamanna sem þeir kynntu undir yfirskriftinni "entartete kunst", eða úrkynjuð list í munchen árið 1937. fjórum árum seinna var honum bannað að mála, og um þúsund listaverk eftir hann skemmd á seinni árum. agalegt.

eftir safnaförina var stigið inn í ómenningu á landamærunum þar sem undirrituð fékk æðiskast yfir verðlagi á áfengi og öðru óhollu, sbr fyrstu setningu þessarrar færslu. danirnir voru töluvert skipulagðri í innkaupunum en við óreyndu íslendingarnir, og virtust flestir vera á litlum sendibílum sem þeir tróðu út af bjór.

loksins fann ég hinn forláta talkie walkie sem ég hefur ásótt mig í draumum síðastliðið ár. air munu loksins fylla lungu mín á ný. ekki veitir af.

jæja, ég hef þetta ekki lengra. enda innihaldsrýrt og samhengislaust.
hafið það gott yfir helgina.

2006-02-24T15:51:00.000Z

Ég stenst að sjálfsögðu ekki svona klukkidíklukk svo hér kem ég!

4 störf sem ég hef unnið um ævina:
Símsvörun og ritarastörf hjá fasteignasölunni og lögfræðiskrifstofunni Hrauni á Höfn í Hornafirði
Starfsmaður í ljósmyndasafni DV
Skoðanakannanaspyrill, sjónvarpsdagskrár-koppí-peistari og blaðamaður á Fréttablaðinu
Pistlahöfundur í Fjarkistan

4 bíómyndir sem ég get horft á aftur og aftur:
Cool Runnings
Spiceworld - the movie
Le fabeuleux destin d'Amelie Poulin
Konungur ljónanna
(Var að lesa yfir þennan lista og skammast mín fyrir að koma út úr skápnum með hörmulegan smekk á kvikmyndum)

4 staðir sem ég hef búið á gegnum tíðina:
Íbúð 225 á Hjónagörðum vid Suðurgötu 73, nú Eggertsgötu 8 (eða var það 6), 101 Reykjavík
Hringbraut 114, 107 Reykjavík
Ferme du Coudray, 18290 Civray, Frakklandi
Í Jebeiha, Amman, Jórdaníu - við vissum aldrei heimilisfangið.

4 sjónvarpsþættir sem ég fíla:
24
Alias (það fer brjálæðislega í taugarnar á mér að horfa á þessa hálfberu konu en þættirnir eru óhuggulega ávanabindandi)
Sex and the city
Fréttir

4 staðir sem ég hef heimsótt í fríum:
Hálendi Íslands
Hrísey
Baskaland í Frakklandi
Vesturbakkinn

4 síður sem ég skoða daglega:
Mbl.is
Mummi.arnlaugsson.com
Múrinn.is
M-Röskva.hi.is

4 matarkyns sem ég held upp á:
Súkkulaði
Kassíuhnetur
Agúrkur
Saltfiskur

4 bækur sem ég hef lesið (upp á síðkastið):
Life on the Mississippi - Mark Twain
Veronica decides to die - Paolo Cohelo
Valkyrjurnar - Paolo Cohelo
Lonely planet - Middle East

4 diskar í uppáhaldi:
Loveless love - Billie Holliday
Impressions - Jaquelin Du Pré
Lög unga fólksins - Hrekkjusvínin
Nýi Civ IV diskurinn minn, þótt tölvan ráði ekki við að spila leikinn

4 staðir sem ég vildi heldur vera á núna: (af því að ég ætti að vera þar)
Van í Tyrklandi
Aní í Tyrklandi
Esfahan í Íran
Persepólis í Íran

Ég nenni ekki að klukka neinn, afsakið.

2006-02-21T13:40:00.000Z

Svar frá systur No. 2

4 störf sem ég hef unnið um ævina:
Á kassanum hjá 11-11 í Funalind
Bæjarvinnan á Hornafirði
Hótel á Hornafirði, Laugum, Laugarvatni, Egilsstöðum, og Loftleiðum
Stuðningsfulltrúi á sambýli fyrir einhverfa

4 bíómyndir sem ég get horft á aftur og aftur:
Amelie
Reality Bites
The Big Lebowski
Shaun of the Dead
(og eiginlega bara flestar zombie myndir...!)

4 staðir sem ég hef búið á gegnum tíðina:
Fagrihvammur í Hafnarfirði
(þegar núverandi eigendur flytja hyggst ég kaupa þessa eign! hah)
Sandbakki á Hornafirði
(alveg við ströndina...jöklarnir og fjöllin næstum inni í stofunni)
Lækjarsmári í Kópavogi
(viðbjóðslega typpalindin í bakgarðinum)
Mávahlíð í Reykjavík
(undir converse skónum sálugu á símalínunum, að ég held)

4 sjónvarpsþættir sem ég fíla:
24 (er nánast háð þeim)
Family Guy
(Stewie er holdgervingur alls þess sem mér finnst fyndið...)
Smack the pony
(af því stelpuhúmor er stundum betri en annar)
Fóstbræður
(blessuð sé minning þeirra)

4 staðir sem ég hef heimsótt í fríum:
Barcelona
(á þó enn eftir að sjá garðinn fræga..)
Madrid
(við Helga fórum fram úr sjálfum okkur í maníuskoðunarferð)
London
(heimsókn til B. Thule)
San Fransisco
(kórferðalag....held ég hafi verið nýskriðin á tólf ára aldurinn)

4 síður sem ég skoða daglega:
roskva.hi.is
hi.is
mbl.is
visir.is

4 matarkyns sem ég held upp á:
Gúllas...!
(B; þetta er tileinkað þér sérstaklega)
Margaríta með ólífum
(að hætti Hornsins)
Hreindýrakjöt
(á jólunum að hætti pabba)
Satay salat

4 bækur sem ég hef lesið:
Bókin um hlátur og gleymsku - Milan Kundera
Bréf til Láru - Þórbergur Þórðarson
Glerhjálmurinn - Sylvia Plath
Sagan af Pí - Yann Martel

4 diskar í uppáhaldi:
Talkie Walkie - Air
(þennan braut ég, og hef ekki fundið ennþá hér á landi
þrátt fyrir ítrekaðar tilraunir)
Mama´s Gun - Erykah Badu
The Early Years Vol. 2 - Tom Waits
Medúlla - Björk

4 staðir sem ég vildi heldur vera á núna:
í náinni framtíð, eftir ca. einn sólahring
(þegar ég verð vonandi búin með eina ljóta ritgerð)
Undir sæng
(þetta er víst mjög vinsælt svar..)
Á Brennslunni með Soya Latte, GT, eða BT
Á Flúðaballi með Hjálmum

4 aðilar sem ég kukla, klukka, næli í, eða whatever..
Halla Kristín
(af því ég þykist vita hún hafi dálæti á svona leikjum)
Steinunn
(en hún er sem betur fer stödd á landinu þessa dagana)
Ýr
(en hún mun eflaust ekki svara kallinu sökum anna)
Lísa
(sem því miður er farin aftur til Wellington, NZ)

Góðar stundir

2006-02-17T15:42:00.000Z

Ég er mætt aftur af þeirri einföldu ástæðu að ég var klukkuð og stóðst ekki mátið. Enjoy!

4 störf sem ég hef unnið um ævina:
Allt sem hægt er að gera á hótelum – þrif, móttaka og allt þar á milli
Blaðamaður
Copy&paste sjónvarpsdagskrána inn í Fréttablaðið. Tókst meira að segja að ljóstra því upp hver vann Bachelorinn daginn sem síðasti þátturinn var sýndur.
Heimasíðuhönnun á Höfn í Hornafirði – reyndar bara í svona þrjá daga

4 bíómyndir sem ég get horft á aftur og aftur:
Forrest Gump
Amelie
Sliding doors
Notting Hill

4 staðir sem ég hef búið á gegnum tíðina:
Birkimelur 10, 2. hæð t.v.
Vetrargarður, sem þá hét Nýju hjónagarðar
Perú 1977 í Tucumán, Argentínu
Skerjabraut 3 á Nesinu

4 sjónvarpsþættir sem ég fíla:
Sex and the City
Desperate Housewifes
Simpsons
... annars horfi ég voða lítið á sjónvarp

4 staðir sem ég hef heimsótt í fríum:
Iguacu-fossar á landamærum Argentínu, Brasilíu og Paraguay
Madrid
Bariloche í Patagóníu, Argentínu
Ísafjörður

4 síður sem ég skoða daglega:
roskva.hi.is
vaka.hi.is
hi.is/~hlistinn
laeknanemar.is

4 matarkyns sem ég held upp á:
Grænmetislasagne
Pizza (óneitanlega)
Humar með hvítlaukssmjöri (á áramótunum)
Beygla með piparrjómaosti og grænmeti

4 bækur sem ég hef lesið:
Hundrað ára einsemd
Sjálfstætt fólk
Alkemistinn
The Curious Incident of the Dog in the Night-Time

4 staðir sem ég vildi heldur vera á núna:
Rúmið mitt
Með Önnu í París
Heima hjá mér í Argentínu
Río de Janeiro

4 systur sem ég klukka:
Anna
Sædís
Halla
Selma

2006-02-14T18:59:00.000Z

When scientists talk about their subject matter as scientists...they avoid using the phrase "in order to" because it implies a purpose, and nature, they know, does not have a purpose.

.....ég er ekki sérstaklega forlagatrúar, hvað þá að ég haldi því fram að það sé tilgangur með öllum lifandi og dauðum hlutum hér á jörð. en er þessi staðhæfing ekki full köld?

2006-02-08T15:44:00.000Z

Þá er komið að því!

Ég hef í rauninni bara eitt að segja: Kjósum Röskvu!

2006-02-03T01:31:00.000Z

When routine bites hard,
And ambitions are low,

....þá er um að gera
að skella sér á svitaball RÖSKVU Á AMSTERDAM....
helv, sveittur staður, en afar myndarlegt og hresst fólk !

....þess má til gamans geta að Thule er mín helsta ást þessa dagana...

2006-01-25T00:34:00.000Z

viljayfirlýsing um bálför

þá er það ákveðið, eins og sebastian bæjarfógeti hefði orðað það. ég verð brennd til kaldra kola er ég dey. og er svona líka hoppandi kát yfir því.

2006-01-23T12:13:00.000Z

ekki er nú öll vitleysan eins...

klikkið hér

2006-01-22T16:55:00.000Z

Já, ég geri ekki mikið af því að blogga þessa dagana.

Ég mæli hins vegar eindregið með að lesendur, ef einhverjir eru, tékki á þessu ....

2006-01-19T19:10:00.000Z

Thursday never looking back...

pravda í kvöld
hverfisbarinn á morgun

go brynja björk

2006-01-09T16:04:00.000Z

Í tilefni nýs árs (sem er einu sinni ekki svo voðalega nýtt lengur, en þetta er samt fyrsta færslan mín á því herrans ári 2006) ...

Ég geri mér vonir um að þetta verði gott ár, jafnvel það besta só far (þó svo að erfitt verði að toppa árið 2000 sem ég eyddi í nær algjöru áhyggjuleysi suður í Argentínu). Ég vonast til þess að hluta þessa árs verði hins vegar eytt suður í henni Svíþjóð (tæplega þó án nokkurra áhyggja, þar sem planið er að stunda þar háskólanám).

Og árið byrjar nú án nokkurs vafa ágætlega.
- fyrstu tónleikar ársins voru afskaplega skemmtilegir, og sá markverði atburður gerðist að ég sá ljósið og hef loksins lært að meta Damien Rice. Hann var flottur, líka Mugison og Hjálmar, Björk og Sigur Rós stóðu fyrir sínu, og mér fundust Bubbi og Egó án nokkurs vafa kúl. Ég vona svo sannarlega að það verði fleiri góðir tónleikar á árinu, og ef satt reynist að Radiohead sé á leið á Hróarskeldu, þá hugsa ég mig ekki um eina mínútu (hef enda aldrei farið á Hróarskeldu).
- Skemmtilegasta áramótapartý árum saman lagði vonandi grunninn að góðu partýári ...
- Það eina sem skyggir á ánægjuna með þetta nýbyrjaða ár 2006 er það að skólinn er óneitanlega ekki alveg nógu hress. Svo er ég líka búin að vera veik. En það stendur vonandi allt til bóta.

2006-01-04T19:45:00.000Z

er hróarskelda málið nk sumar?

2005-12-30T17:27:00.000Z

ég skrifa þessa grein í blindni trú um að þú eigir eftir að lesa hana eins og hún er raunverulega, að hún nái athygli þinni og að hugurinn geri utan um stafina sem hún innbyrðir, skjáinn sem hún birtist á, osfrv, einhvers konar flókna hugmynd. þessa hugmynd ættir þú hugsa hlutlægt, og alls alls ekki ósjálfrátt, í meðvitund þinni, en hugann geturðu hugsað þér sem rými þar sem meðvitundin flakkar á milli undirmeðvitundar og meðvitundar. hugsunin geymist í raun ekki í minni, heldur er minnið bara, alveg eins og við erum bara. þú getur sannfært þig um að eins og þú ert fullviss um að heimurinn sé enn til staðar þó þú lokir augunum, þá eru hugsanir þínar einnig til þó þú yfirgefir þær tímabundið. ef hugsun þín fer að verða einkennileg og skrýtin, jafnvel óeðlileg í meira lagi, eru miklar líkur á að það sé vegna alheimsvökvans, og að þú þurfir einskonar segulmeðferð til að lagfæra hlutina. hugsanlega gerir þú ekkert í því þó þú sért nú þegar farin/n að snúast í hringi og hætt/ur að skilja. sættu þig við að þú veist í raun aldrei neitt með vissu, og að með innskoðun munu leyndardómar alheimsins ekki opnast upp fyrir þér. í hæsta lagi kemstu að eftirfarandi eftir hátíðirnar: mér er illt í maganum, þess vegna er ég.

eftir próf, langar vinnutarnir, jólastress, og próflokatjútt, gafst líkami minn upp. andinn var svo sem löngu flúinn, en efninu var nóg boðið eftir aðfangadag. ég fékk þó ekki berkla, eins og sumum tókst að misskilja, heldur berkjabólgu. mér til upplyftingar eru víst dæmi þess að fólk sé með berkjabólgu í fleiri ár. ég neita að trúa slíkum gróusögum. fyrir vikið hef ég ekki haft samband við umheiminn í langa herrans tíð, og tenging mín við hann er líka óhlaðin, svo ég biðst forláts. ég læt vita af mér þegar heilsan leyfir.

í veikindum er hægt að gera alveg frábæra hluti. sofa til fimm án þess að fá þennan hrottalega móðurlega svip dynjandi á sér þegar maður hefur loks drattast á lappir. auk þess er hægt að láta hollywood froðuna glepja sig í heilan sólarhring, án þess að þurfa svo mikið sem nota eina mýelínslíður eða taug í heilanum. fullkomin hvíld. (ég tek það fram að ég er að lesa rokland, og er böddi farinn að ala upp einhverskonar ást-haturs samband hjá mér á bíómyndum. en þar sem ég er forfallinn bíósjúklingur tel ég líklegt að ég hafi yfirhöndina í því stríði). en að öðru leyti eru pestir ekkert sérstaklega töff. sér í lagi þegar maður er eins og lungnasjúklingur með heilaæxli og lágan blóðþrýsting í hvert sinn sem hóstaköstin hefjast. einkar smart og lekkert eins og hún amma mín heitin hefði sagt.

en að klisjunni. ég óska þess að jólin hafi verið gleðileg hjá ykkur, og að áramótin endi ekki í enn einum vonbrigðunum eins og svo oft. annars eyddi ég þar síðustu áramótum við að horfa á bridget jones, og síðustu í að púsla. það var alls ekki svo slæmt. partýdýrIÐ ég....

hátíðarkveðja, án hósta
-dís í dauðateygjum

2005-12-18T19:22:00.000Z

Hamingjuóskir dagsins fær ...... Sædís!!! Til hamingju með afmælið!

2005-12-13T23:47:00.000Z

Hversu þreyttur getur maður orðið á því að læra um svefn?

Annars gengur kjallararalífið sinn vanagang. Óneitanlega er ég orðin nokkuð súr í hausnum, og þess vegna eins gott að prófin eru búin á föstudaginn, þannig að ég get loksins farið aftur að vinna. Jei.

Moment gærdagsins áttu sér þó ekki stað í kjallaranum heldur í bókabúð:

Sædís: Helduru að þessi sé ekki góð?
Helga: Jú örugglega. Ég hef lesið ótrúlega góða bók eftir þessa konu, æ þarna, hún heitir Svo fögur baun ...

Sædís: En þessi? Hún hefur fengið Gullna rýtinginn ....
Helga: Já, ég held að ég hafi lesið hana (!)
Sædís: Nei, hún sko FÉKK Gullna rýtinginn!

2005-12-12T00:13:00.000Z

Besti, besti, besti diskurinn til að hlusta á í skammdeginu: án nokkurs vafa Ágætis byrjun. Kynni mín af þeirri plötu hafa nú verið endurnýjuð, eftir nokkurra ára viðskilnað, og þvílík og önnur eins hamingja. Held að það sé barasta varla hægt að toppa þá plötu, Sigur Rós er svo góð hljómsveit, Ágætis byrjun svo fáránlega góð plata og Viðrar vel til loftárása svo yndislegt lag.

Annars verð ég að segja að það er bara svo miklu miklu skárra að lesa lífeðlisfræði en lífefnafræði. Styttist í að hörmungunum ljúki (eiginlega bara fjórir dagar, fokk) og síðan eru að koma jól. Þó að jólin verði auðvitað ekki eins án Önnu má nú samt pottþétt hafa gaman að þeim ...

2005-12-09T16:07:00.000Z

Ég var búin að vera svo ískyggilega róleg fyrir prófið í morgun að ég hélt bara að próf væru hætt að hafa áhrif á mig (enda erum við að tala um áttundu prófatörnina síðastliðna eina og hálfa árið). Ég var líka ekkert búin að vera svo mikið út á þekju að ég yrði mér til skammar eins og venjulega þegar ég er í prófum ...

En í dag tók ég hinsvegar óvart með mér lyklana að bíl sem ég á ekki í prófið, og bíllinn þurfti að standa heima fyrri part dagsins af því ég skildi auðvitað símann minn eftir heima og var óínáanleg. Mamma sá líka ástæðu til þess að afsaka mig á kaffihúsi í morgun, þegar ég var að reyna að ná mér í teskeið án þess að hafa ekki hugsun á því að fara úr vettlingunum fyrst ...

Æ, og prófið. Ekkert skemmtilegasta próf í heimi verð ég að segja. Hins vegar get ég þakkað fyrir að hafa náð lágpunkti mínum í gær og lært um helvítis lac-genið, af því auðvitað var spurt um það (eins og allt hitt það leiðinlegasta í þessu námskeiði).

2005-12-08T23:41:00.000Z

Fyrsta prófið á morgun. Og ég er sem betur fer komin í betra skap en fyrr í vikunni, guð minn góður. Þá gekk allt á afturfótunum, sem dæmi má nefna alveg þvílíka dramatík sökum þess að ég fékk ekki tíma í klippingu fyrr en milli jóla og nýárs (hvaða rugl er það samt?) Vona bara að prófið á morgun gangi sæmilega, svo ég þurfi ekki að vera í vondu skapi alla næstu viku líka.

Ég veit svosem ekki hvað skal segja. Ég held mig í kjallaranum (dúa) þar sem nú er hitað upp með sérstökum nýjum hitara, sem hlotið hefur sérstakt viðurnefni eins og önnur heimilistæki þar á bæ. Og ég verð skrýtnari og skrýtnari með hverjum deginum, samkvæmt öruggum heimildum.

Toppur dagsins:
- quality time í sófanum heima hjá pabba í morgun, þar sem ég steinsofnaði í svona klukkutíma. Það var best.

Lágpunktar dagsins voru nokkrir. Held samt að það toppi ekkert stjórnun laktósa operons í E. coli bakteríunni. Þannig að þar hafiði það, lágpunktur dagsins. Ég ætla rétt að vona að verði spurt um það á morgun, þannig að ég geti allavega þá þakkað fyrir að hafa lagt það rugl á minnið.

16. desember nálgast sem betur fer óðum, og ég er loksins byrjuð að hlakka til jólanna.

2005-12-04T16:54:00.000Z

Tímaleysi prófanna er farið að hellast yfir. Skiptir engu hvaða dagur er, helgi, ekki helgi, dagur, nótt .... allt alveg eins. Sérstaklega þegar svartasta skammdegið er að hellast yfir.

Ég hlakka geðveikt til þess að upplifa desember án prófa, þrátt fyrir að ég hafi nú ekki góðar horfur á svoleiðis hvað, kannski næsta áratuginn. En þangað til verður maður bara að gleðjast yfir litlu hlutunum:

- ég er að drekka alveg fáránlega góðan latte sem ég bjó sjálf til. Ég er heima hjá mér í hlýjunni, ekki í kuldanum í kjallaranum þar sem ég er venjulega.
- ég keypti fallega nýja tösku í gær (ég ræð ekki alveg við desember, það er allt á milljón í kringum mann og maður er sjálfur ekki alveg stabíll út af prófunum með tilheyrandi stressi og rugli)
- á morgun er ég að spá í að kaupa mér jólaskó (maður má nú ekki alveg missa af jólastemningunni á Laugaveginum þó að maður sé í prófum)
- og svo er bara að reyna að hugsa ekki um hversu mikið námsefni ég á eftir að komast yfir fyrir 16. des. Þess í stað ætla ég að hugsa um hvað það verður fáránlega gaman hjá mér 16. des og hvað ég er heppin að eiga frí í heila viku áður en jólin koma .....

2005-12-03T21:32:00.000Z

loksins tókst mér að finna einstakling sem ekki var búin/n að sjá harry potter. var rétt að skríða innan úr dyrunum eftir herlegheitin, en það er skemst frá því að segja að myndin er frábær í alla staði. ég átti ekki von á öðru, þar sem bókin býður upp á helling af flottum og skemmtilegum senum fyrir bíómynd. en þá að aðalatriði þessarar færslu.

ég og bíófélagi minn rökræddum það lengi í hvaða bíó ætti að fara. ég vildi í háskólabíó, en hinn aðilinn í kringluna. rökin voru á þá leið að það væri minna vesen, og svo langaði þeim einstakling að borða subway fyrir ferðina. ok, gott og vel; ég nennti ekki að rífast um þetta, en fannst þetta þó allt saman fáránlegt; bæði það að langa í subway (nei, djók) og vilja fara í kringlubíó (alveg satt). við sem sagt fórum í þetta guðsvolaða bíó, sem á nokkrum mínútúm yfirfylltist af krakkaskrípum og forráðamönnum þeirra (nb, þá neita ég að líta á sjálfa mig sem krakkaskrípi eftir að ég náði sjálfræðisaldri, en annars getur það allt eins verið álitamál hvort ég sé fullorðin; sbr. þessi færsla). auglýsingarnar byrjuðu að rúlla, og masið og öskrin; JÁ ÖSKRIN, að hækka. og þau hækkuðu. og myndin byrjaði. ég hugsaði það aftur og aftur fyrsta kortér myndarinnar, nei andskotinn. nú fer ég út. en ég hafði mig ekki upp úr sætinu. ég var nú búin að hlakka til að sjá þessa mynd í langan tíma. þannig að þarna sátum við; ég og subway óði bíósamferðamaðurinn innan um óp og köll, og sífellt pískur, í krökkum og foreldrum þeirra. samtals sussuðum við svona hundrað sinnum (kalt mat) aftur fyrir okkar, og jafn vel yfir allt bíóið. kannski vorum við farin að vera jafn óþolandi og krakkarnir, en samt. þau byrjuðu (oh, ég er svo þroskuð).

ég vildi bara deila þessu með ykkur. snerta ykkur með pirring mínum gegnum veraldarvefinn. og hvað sem þið gerið í framtíðinni; ekki fara í kringlubíó. og alls ekki í sex bíó. ekki eignast börn; þau eru óþolandi. ef þið asnist til þess að eignast börn; ekki fara með þau í bíó. ef þið endilega viljið sjá bíó með þeim; kaupið eitt slíkt stykki og hafið heima hjá ykkur. við hin viljum ekkert af ykkur vita.

góðar stundir

2005-12-02T13:37:00.000Z

Er maður orðinn alveg bilaður þegar manni er farið að finnast vírusar heillandi fyrirbæri?

2005-11-28T21:06:00.001Z

síðustu dagar hafa verið viðburðarríkir. verkefnaskil, útlönd, djamm, yfirgengilegur túrismi með korti og öllu, og svo loks rúsínan í pylsuendanum (eða the raisin at the end of the hot dog); sigur rós í gærkvöldi. og jájá, ég veit, það eru allir að blogga um þetta, og allir bara, OOOHH, ég er orðlaus, jarajarajarí, en mér er alveg sama. skítt með dylan gamla, sigurrós er var og verður málið.

annars var virkilega hressandi að koma til london. það eina sem ég hef áhyggjur af er orðspor landans, en bryndís hélt þó nokkrar kynningar á landi, þjóð, og thule (fyrst og fremst) fyrir hvern þann sem vildi heyra. flokkun á efni "málþingsins" er u.þ.b. svona;

af hverju ísland?
kynhneigð íslendinga. umræða, dæmi, og sýnikennsla.
thule, besti bjór í heimi.
"óræðar tilfinningar homo sapiens við drykkju" Dr. Bryndís kynnir rannsóknarverkefni sitt á vegum london university of lager um áhrif ákveðinna humla í bjór á bragðlauka, og hegðunarbreytingar af þess völdum.
er þetta við hæfi? dæmisögur af undarlegu háttalagi sem íslendingum finnst ekki tiltökumál.

ég veit ekki hvenær ég fer aftur til london, en það er næstum bókað mál að hvenær sem það verður, muni ég ekki auglýsa þjóðerni mitt!! stelpurnar gengu meirað segja svo langt að þýða skandala sumarsins yfir á ensku. þær hryllingssögur hljómuðu jafnvel enn verr á öðru tungumáli.

annars má ég ekki vera að þessu. bækurnar bíða. þið verðið bara að fá ferðasöguna live.

góðar stundir.

2005-11-28T18:42:00.000Z

Sigurrós var dásamleg í gær. Hefði aldrei trúað því að maður gæti setið með gæsahúð upp og niður bakið og tárin í augunum í næstum tvo og hálfan tíma ... ótrúlegt alveg. Fullkomið.

Við Sædís komum út, sögðum varla orð í bílnum á leiðinni heim, nema hún sagði að við ættum örugglega aldrei aftur eftir að fara á svona góða tónleika. Ég held ekki. Þetta var bara of æðislegt til að vera satt.

Annars er eiginlega ekkert hægt að lýsa þessu .... en ég allavega ennþá bara í góðu skapi, og fæ meira að segja gæsahúð við tilhugsunina um þetta æðislega kvöld. Takk ...

2005-11-28T11:30:00.000Z

sædís says:þórhallur vill segja þér brandara:

sædís says:"einu sinni var tómatsósa sem ætlaði að labba yfir götu, og hún gat það. svo fór hún inní búð og keypti sér kleinuhring - súkkulaðikleinuhring. hann var virkilega góður, bragðaðist eins og fiðrildi, og þá sagði tómatssósan: mmm, góð fiðrildi. en maginn á honum var alveg að springa og þá kom fiðrildið uppúr maganum á honum, og þá var tómatsósan mjög reið og fór að elta það yfir götuna, og þá datt

sædís says:tómatsósan á rassin, ofan á fiðrildið. síðan kom hr. tómatur og sagði: freddy hvað ertu að gera, þú mátt ekki elta fiðrildi. fiðrildi eru góð dýr og líka vinsamleg. þá ullaði fiðrildið á tómatinn og tómaturinn var svo reiður að hann byrjaði líka að elta það. síðan ullaði fiðrildið á alla ávextina, og þeir voru svo reiðir að þeir eltu hann um kring og enginn náði honum. tómatsósan var svo reið af thvi

sædís says:hún var ekki fremst þannig að hún sagði bara, stopp! árás. og allir eltu hann, en enginn náði því. svo var eitt fólk svo reitt að það bara brrrrrr, og fór með bíl og reyndi að keyra en það gat það ekki, og svo kom fiðrildið og fór yfir, og þeir hoppuðu líka yfir og náðu því ekki

sædís says:svo kom harry potter (og nú sagði ég; er þetta ekki bara vitleysa? og þórhallur: nei, ég er brandari. ég er að búa hann til)

Anna says:hahahaha

Anna says:thetta er ykt fyndinn brandari

sædís says:og galdraði mús. og músin beit í tómatinn og étti alla ávextina. og harry potter sagði, ég ætla líka að fá mér ávexti og ullaði bara aftur, og tómaturinn var svo reiður að hann brunaði eins og kappakstursbíll á eftir fiðrildinu, og þá komu allir tómatarnir bara skjóðandi og aaaah! eltu fiðrildin

sædís says:(jii shit ! erfitt að skrifa þetta..)

sædís says:og fiðrildin bara stakk þá í rassinn, (og ég segi núna; þetta er eiginlega ekkert fyndið lengur...og þórhallur: þetta er bara saga sem á að vera pínkulítið fyndin)

sædís says:og svo var endir. endirinn fimmtíu prósent búið. allt búið

sædís says:allur brandarinn.

2005-11-24T14:02:00.000Z

Vinsæll afmælisdagur

Hamingjuóskir dagsins fara til Amman í Jórdaníu, þar sem hún Annam-ín heldur uppá afmælið sitt í dag.

Ég óska líka Gróu, Evu Maríu og Kristínu Tómasar til hamingju með afmælið!

2005-11-23T18:19:00.000Z

london kallar. og ísöldin er að koma. kannski ekki hentugt tímasetning. en tjahh...who cares anyway? (nb, helgu finnst ég sletta of mikið). þangað til ætla ég að setja nýtt íslandsmet í verkefnavinnu. svona um það til tólf tímar til stefnu. jájá, þetta reddast allt saman....

2005-11-23T16:26:00.000Z

Tilkynning [feit skólaviðvörun]:

Á slaginu 12.20 á morgun verður bókin Læknisfræðileg eðlisfræði brennd til kaldra kola á bílastæði Landapítala framan við Eirberg. Ekki þykir mér ólíklegt að ég muni stíga tryllingslegan dans yfir brennunni ....

Það eina sem er gott við daginn er öll æðislega nýja tónlistin mín (takk Sædís) og Tom Waits. Skil ekki hvernig ég gat lært í þessum ljóta kjallara áður en ég fékk iPod. Annars er ég reyndar full mikið eins og geðsjúklingur þar sem ég sit alein í kjallaranum með eyrun full af tónlist og syng hástöfum með. En hvað með það ....

2005-11-21T10:03:00.000Z

það var svo gaman á white stripes í gær. váááá!

fyrir nú utan að bænir mínar báru árangur og þau "systkinin" tóku jolene. ég náttúrlega bilaðist, greip ótrúlega fast í sædísi og bara hélt að það myndi líða yfir mig. það gerðist reyndar ekki, sem betur fer, hefði verið synd að falla í yfirlið og missa af jolene ...

það er bara rugl hvað þau eru flott, og lögin þeirra skemmtileg. svo gaman ....

og ég er svo einstaklega heppin að vera aftur á leiðinni í höllina eftir bara viku á aðra gjörólíka en pottþétt líka æðislega tónleika. en í millitíðinni er það bara geðbilunin. próf á fimmtudag, vefverkefni sem við fáum frá miðvikudegi til föstudags til að vinna og síðan færnibúðir á föstudag. það verður nú örugglega gaman að læra að hlusta fólk, vona bara að ég verði búin með verkefnið þá þannig að maður deyi ekki úr stressi.

2005-11-17T10:18:00.000Z

þegar stórt er spurt ...

í 201 í lögbergi klukkan 12.20 í dag. það má bara ekki missa af því þegar þingmenn allra flokka segja okkur frá því hvað er í gangi í menntamálum.

2005-11-14T00:36:00.000Z

helgin í eins og nokkrum orðum:
- rólegheit
- bjórar samtals þrír
- algjörlega þynnkulaus sunnudagur, sá fyrsti í lengri tíma sem hvorki er þunnur né undirlagður af manískum lestri
- samt soldið slöpp. það er þessvegna sem ég er ennþá vakandi núna, að drekka te og hlusta á svo æðislega lagið fisherman's woman með emilíönu torrini
- 22 og jolene (svo ætla ég að hætta að vera alltaf að tala um jolene á þessu bloggi, þetta er orðin einhver árátta)
- mynd sem fjallaði nær eingöngu um kynlíf, nei ekki klámmynd
- röskvufréttir og tíðar uppfærslur á roskva.hi.is ... allir þangað!
- lítið lært, djöfull
- fleiri en eitt samtöl við amman, jórdaníu. afskaplega ánægjulegt

framundan:
- eftir viku: white stripes
- eftir tíu daga: fyrsta prófið
- eftir tvær vikur: sigur rós

jújú, það er að rætast úr nóvember (fyrir utan helvítis prófið auðvitað ...).

2005-11-13T12:27:00.000Z

ég ætla sko ekki að linna látum fyrr en jack og meg taka jolene!

2005-11-11T16:23:00.000Z

aftur kominn föstudagur. frekar fínt ....

vikunni eyddi ég í skemmtilegt verkefni í skólanum sem fólst í því að sjúkdómsgreina einstakling með furðuleg sjúkdómseinkenni. hefði reyndar samt verið skemmtilegra að misskilja ekki fullkomlega minn hluta verkefnisins, og halda ekki framsögu um allt annað fyrirbæri en ég átti í rauninni að kynna mér ... og sem kom málinu varla neitt við. oh, hvað maður getur stundum verið misheppnaður ....

annars er ég dauðfegin að það er allt í lagi með hana systur mína í amman.

2005-11-07T13:08:00.001Z

fyrir allnokkru ákváðu sitthvorir forráðamenn og konur kjallarasystra að láta pússa sig saman. hér eru nokkrar myndir frá þeim tímamótum.

brudhjonin anaegd med daginn
brudkaupsdagur i myndum

2005-11-07T13:08:00.000Z

toti does james bond
brudkaupsdagur i myndum

2005-11-07T13:07:00.002Z

myndatakan
brudkaupsdagur i myndum

2005-11-07T13:07:00.001Z

astin er allsradandi
brudkaupsdagur i myndum

2005-11-07T13:07:00.000Z

halla smellti rembingskossi � selmu
brudkaupsdagur i myndum

2005-11-07T13:06:00.000Z

anna og mummi komu of seint, en voru svo hrokur alls fagnadar
brudkaupsdagur i myndum

2005-11-07T13:05:00.000Z

helga var hress
brudkaupsdagur i myndum

2005-11-07T13:04:00.002Z

brudguminn kaupir magic hana sinni heittelskudu
brudkaupsdagur i myndum

2005-11-07T13:04:00.001Z

brudurin var lasin
brudkaupsdagur i myndum

2005-11-07T13:04:00.000Z

toti musli tekur thatt i gledinni
brudkaupsdagur i myndum

2005-11-07T13:03:00.001Z

eg og selma enn meira kul
brudkaupsdagur i myndum

2005-11-07T13:03:00.000Z

eg og selma rosa kul
brudkaupsdagur i myndum

2005-11-04T20:14:00.000Z

WHITE STRIPES!

þarf ég að segja meira?

2005-11-04T12:36:00.000Z

jahúú!!!
tónleikafár í lok mánaðarins.

visa reikningur loks greiddur.

búhúú!!!
ég er búin að týna skólabók sem er þungamiðja heimilda minna fyrir skýrslu (70%) sem á að skila á mánudaginn.

skv launaseðlinum fékk ég tugi þúsunda fyrirframgreidda frá fjárhirslu ríkisins, sem er barasta algjör vitleysa. það verður nú aldeilis gaman að reyna að ná þeim í réttar hendur. djöfull langar mig að kúka á kerfið akkúrat núna.

vinna eftir nokkra klst.

þessi færsla.

2005-11-02T17:55:00.000Z

í dag var ég komin hálfa leið niður á lækjartorg í strætó þegar ég mundi eftir að ég hafði komið á bíl í skólann!

2005-11-01T23:48:00.000Z

mér finnst svo skrítið hvernig skammdegið læðist að manni og er svo allt í einu bara komið, maður fattar bara allt í einu að það er farið að verða dimmt ógeðslega snemma, það er kalt og hvasst .....

en fátt er svo með öllu illt .... nokkrir góðir hlutir í nóvember:
- partý aldarinnar
- sigurrós og white stripes

vó, man ekki eftir fleiru og það eina sem ég hugsa um í samhengi við nóvember eru bækur og meiri lestur. tek þetta til baka, nóvember er glaaataður mánuður!

2005-10-31T14:29:00.000Z

í gær var mér boðið far af tveimur ungum piltum á pikkupp. þar sem ég stóð við strætóskýli, á leiðinni heim úr vinnu í breiðholtinu, rann pikkupp við hlið mér og stoppaði;

"hey, má bjóða þér far?"
"nei þakka þér fyrir"
"ertu viss? þú þarft þá ekki að bíða eftir strætó, og sparar pening"
"þetta er ekkert mál. ég kem mér bara sjálf heim"
"við erum sko bara að reyna að gera góðverk á sunnudögum"
"já. takk samt"(nú var ég farin að glotta all svakalega....eru þessir gæjar ekki að grínast???!!)"
"jæja, ok"

pikkuppinn brunaði burt.
og eftir stóð ég, og velti fyrir mér hvort þarna hafi farið tveir nauðgarar í stelpuleit í breiðholtinu, eða synir móðir teresu holdi klæddir...

2005-10-27T12:05:00.000Z

það eru fáir jafn fyndnir og kennari hins stórskemmtilega áfanga tölfræði 3....

Hugarfar

Fyrir marga er verkefnið strembið, tímafrekt eða lendir á annríkistíma. Gættu þess
að njóta þess samt.

Þetta er námstækifæri og það eru forréttindi að fá að takast á við það
jafnvel þótt ytri aðstæður séu á einhvern hátt ekki ákjósanlegar.
Fílaðu verkefnið í botn!

jájá, ég reyni mitt besta við að "digga þetta verkefni í ræmur", eða eitthvað þannig...

2005-10-26T19:17:00.000Z

bryndís !! við erum á leiðinni !!!

og já, þið hin megið alveg koma með líka. svo lengi sem þið treystið ykkur....

2005-10-24T19:31:00.000Z

Í dag ....

... var gaman að vera stelpa!

Við þorum viljum og getum , nú þarf bara að breyta .... ÁFRAM STELPUR!

2005-10-24T12:22:00.000Z

Til hamingju með daginn, allar konur!

Hlakka geðveikt til að skunda niður á Ingólfstorg á eftir .....

2005-10-23T20:24:00.000Z

sammála síðasta ræðumanni ....

gærkvöldið var samt bara snilld! enda góð blanda ... röskvuliðar og systur að ógleymdum þingmanni og fyrrverandi fréttastjóra útvarps (sem kom nú reyndar ekki mikið við sögu).

fleira sem kom við sögu:
jolene (nema hvað, og ekki bara einu sinni), 22, sagnfræðingur og stjórnmálafræðingur (til hamingju báðir), og bara almenn skemmtilegheit.

svo er ég búin að vera út á þekju í allan dag. ákvað að skella mér á reynimel til þess að læra. þegar ég kom þangað fann ég hins vegar ekki lyklana mína og fór til afa til þess að biðja mig um að lána mér hans. þegar ég var búin að sitja hjá honum í soldla stund kom hins vegar í ljós að hvorugur lykillinn sem hann var með gekk að kjallaranum. þannig að ég gafst upp og fór heim. þegar ég gekk upp tröppurnar heima fattaði ég síðan loksins að ég var með lyklana í vasanum ...

2005-10-23T18:41:00.000Z

boðskapur dagsins:

öl er böl

2005-10-20T17:57:00.000Z

jæja, lífið mitt núna snýst bara um skóla og röskvu. mjög góð blanda en manni getur annars orðið svolítið heitt í hamsi (hvað ætli þetta hamsi sé eiginlega, einhver, atli kannski?). sérstaklega ef ástandið er eins og það er .....

mæli með góðri grein sem dagný skrifaði á röskvusíðuna í gær. mæli reyndar bara almennt með röskvusíðunni, held að þetta sé ágæt síða þó ég segi sjálf frá ....

2005-10-18T20:02:00.000Z

ég er sko ekki samþykk því að það sé allt í lagi að loka þjóðarbókhlöðunni á kvöldin af því hér sé hvorteðer enginn!

ég sit semsagt í þjóðarbókhlöðunni ásamt fjölda stúdenta, þrátt fyrir að klukkan sé orðin átta. ætli við þurfum ekki bara að læra úti ef svo fer sem stefnir að bókhlöðunni verði lokað utan hefðbundins skrifstofutíma eftir nokkrar vikur. sem gerist ef ekki fæst meira fjármagn til safnsins, að því er fram kom á bráðmerkilegum hádegisfundi röskvu í dag um vanda þjóðarbókhlöðunnar.

enginn fulltrúi stjórnvalda mætti hins vegar á fundinn þrátt fyrir margítrekaðar tilraunir til þess að fá einhvern til þess að svara fyrir hvers vegna þetta er svona .... !

annars er auðvitað ekki nóg að sitja hérna á kvöldin. maður þarf líklega að gera eitthvað. einbeitingin mín hefur samt ákveðið að taka sér frí frá störfum um óákveðinn tíma og því lestrarhraðinn í lágmarki, um þrjár blaðsíður á dag. það mun taka mig um þrjú ár að lesa námsefni haustannar með þessu áframhaldi ....

2005-10-13T11:56:00.000Z

jæja. hvað hef ég að segja? fór ég á októberfest? nei, var að vinna. fór ég á rösquiz? nei, var að vinna. ætla ég út um þessa helgi? nei, verð að læra. bíddu, hægan hægan. læra? veit ég ennþá hvað það er? jú, eitthvað nátengt því að lesa. og hef ég lesið eitthvað frá harry potter í sumar? neeei, ekki get ég sagt það. jú; ég hef lesið einstaka glefsur hér og þar, til að redda verkefnum fyrir horn. og lýk ég hér með hluta skólamála í þessari færslu.

ég vildi að ég væri í útlöndum. ég nánast græt á morgnanna við tilhugsunina að fara út í þennan norðangadd. og til að toppa þetta allt saman þá hefur ekki verið svo mikið sem einnar gráðu hiti á ofnunum í risinu hjá okkur unga fólkinu í hlíðunum. ég sef í frosti, og vakna í frosti. mér finnst að þessi hitamál mættu koma meir inn í umræðu stjórnmálamanna um stöðugleika hér á landi. ég meina, með hliðsjón af stöðugleika almennt, getur það ekki talist eðlilegt að jafn skörp skil í hitastigi eigi sér staða á ca. einum mánuði. það er ekki góð aðlögun að mínu mati. spurning að notfæra sér bara gróðurhúsaáhrifin til hins ýtrasta, og byggja eins og eitt stykki risa glerhjálm yfir reykjavík (svona rafmagnsknúinn, sem hægt væri að taka af yfir hásumartímann).

talandi um glerhjálma, þá mæli ég eindregið með að fólk lesi samnefnda bók eftir sylviu plath. einkar góð.

svo langar mig á kunderakvöld á súfistanum í kvöld. en hvað verð ég að gera? jú...l***....uhu ;(

2005-10-11T15:11:00.000Z

komin heim ....

köben var æði og nóg af öllu sem mér finnst best að gera - sofa, versla og labba um í rólegheitunum í sólinni ... svona er ég einföld sál.

veðrið í skandinavíu er vægast sagt aðeins annað en hér heima, náði átján stigum á föstudaginn og glampandi sól alla dagana. æði. fékk reyndar nett raunveruleikasjokk þegar ég var á leiðinni í skólann á mánudagsmorguninn í frosti og norðanroki ....

reyndar átti íslands mómentið á sunnudaginn (þrátt fyrir veðrið). flaug yfir allt suðurlandið frá höfn í hornafirði að keflavík í geðveiku skyggni og það var svo rugl fallegt að ég gat ekki hægt að horfa. undirspil í boði ipod var líka geggjað - jóga með björk.

en nú er ég komin heim og hlakka mest til að fara á rösquiz á morgun. hef nefnilega ekki ennþá farið á rösquiz í vetur eftir þennan viðbjóðslestur sem er búinn að stjórna lífi mínu það sem af er önninni ....

2005-10-04T20:46:00.000Z

prófið er búið. mikil gleði og mikil þreyta.

næst á dagskránni:
- partý
- útlönd í fyrramálið
- reyna að gleyma iðrum mannslíkamans eins fljótt og hægt er

það er annars erfitt að blogga um ekki neitt .... enda ekkert séð annað en þjóðarbókhlöðu og skólabækur síðastliðnar vikur. reyndar fór ég út á laugardagskvöldið, kannski sem betur fer. því þegar anna pála hringdi í mig var klukkan að verða níu, það var laugardagur, ég var nýbúin að borða ab-mjólk og var að lesa um þarmana. og brjálaða tvist kvöldsins - jah, það var að fara út í sjoppu og kaupa tópas og draum. og svo velur maður sér að fara í læknanám .....

en betri tíð framundan. kaupmannahöfn í fyrramálið .... bið fólk vel að lifa og lesa á meðan um alvöru ævintýri.

2005-09-27T13:59:00.000Z

Kjallarasystir numer eitt heilsar hinum og odrum felogum fra Beirut. Vid Obba erum komnar med blogg og er ykkur velkomid ad skoda.

Okkur lidur vel og vid hlokkum til ad komast a leidarenda.

2005-09-25T12:02:00.000Z

það er með sorg í hjarta sem tilkynnist að kjallarasystrum á reynimel hefur fækkað um eina (í bili samt bara, sem betur fer!) þar sem ein kjallarasystra hefur yfirgefið Íslandið í leit að ævintýrum í fjarlægum löndum ....

þær kjallarasystur sem eftir standa óska önnu og obbu góðrar ferðar og góðrar dvalar í jórdaníu. það verður þó ekki framhjá því litið að kjallarasystur hlakka til að verða sameinaðar á ný einhvern tímann í vor.

2005-09-23T12:58:00.000Z

í gær var verkið, ein með skjólstæðing, frumflutt í breiðholti. fyrsti dagur minn í vinnunni án hjálpar. og ég verð að segja að það gekk furðuvel. sérstaklega ef tekið er mið af því að skjólstæðingurinn tjáir sig aðeins með táknmáli og umli. við áttum ágæta samleið, og hlógum nokkuð oft það kvöldið (eða skjólstæðingurinn hló að mér, og ég ákvað að hlæja með...).
eins fjarstæðukennt og það kann að hljóma, þá efast ég meira um heilbrigði mitt í vinnunni. ég neyðist til að horfa í augu við mína eigin einhverfuhegðun, sem er þó nokkur. öll þessi litlu atriði, sem allir eiga, td eins og að verða að hafa sinnepið ofan á pulsunni (einstaka undantekningar gerðar á bæjarins bestum), og fjölmörg önnur, sem ég kann ekki við að tíunda hér. um daginn áttum við starfsfólkið einmitt samtal í vinnunni um þessa jaðarhópa, sem hugsanlega geta meira en talið er, en enda uppi sem stofnanabörn, eða fólk sem aldrei er greint en alltaf álitið pínu skrýtið.

annars er ég hálf híheft þessa dagana. það er ekkert að gerast í þeim málum, svoleiðis. en það er nú bara búin 3. vika....held ég..

2005-09-22T23:38:00.000Z

ég er að fara í próf. það verður að öllum líkindum erfitt og ég er ekki mikið búin að lesa. þess vegna verð ég stressaðri með hverjum deginum sem líður. og reyndar (sem betur fer) líka einbeittari.

þegar ég er í prófalestri er ég best geymd í kjallara einum á reynimel, fjarri öllu fólki nema systrum mínum sem þekkja mig út og inn. ég kemst hins vegar eiginlega ekki hjá því að hitta einhvern tímann fólk ... og þar sem ég er ennþá meira utanviðmig en venjulega þegar ég er að læra undir próf hegða ég mér dáldið furðulega:

1) ég geng út af kaffihúsum án þess að borga.
2) ég segi skrýtna og útíhött hluti við afgreiðslufólk og er almennt frekar skrýtin í búðum. einu sinni sagði ég til dæmis nei takk við afgreiðslumann þegar hann bauð mér góðan daginn.
3) undirfurðuleg hljóð skjóta upp kollinum, víðar en í kjallaranum. þau eru runnin undan rifjum skrýtnustu systurinnar (að mati múslísins, þ.e. litla bróðurins - ég læt lesendum eftir að giska hver það var) í einhverri prófatörninni. þessi hljóð hafa nú fengið að hljóma í bíói og á laugaveginum - þar sem þau eiga alls ekki heima.
4) ég heyri ekki þegar er kallað á mig.

þannig að ef ég geng framhjá einhverjum án þess að heilsa eða geng á hurð í þjóðarbókhlöðunni biðst ég bara afsökunar og vona að þetta komist allt saman í samt lag þegar prófið er liðið hjá ....

2005-09-20T23:20:00.000Z

haustin eru nú yndi.

fór í sund í dag og það var æði. næstum því ein í lauginni og fékk sýnishorn af öllum veðrum, rigningu, sól, veðri og vindum. það er miklu meira næs að fara í sund á haustin, engin vælandi börn að hoppa ofan á mann né stappað í búningsklefanum ....

og síðan byrjaði að rigna. það er mjög vanmetið að fara í sund í rigningu (allavega var enginn í sundlauginni í dag nema krakkar í skólasundi). það er nefnilega best í heeeeimi að vera í heitapottinum þegar rignir. alveg fáránlega þægilegt.

held að ég hafi gott af því að fara sem mest í sund til þess að reyna að halda geðheilsunni. fjórði október nálgast á ljóshraða og efnið sem ég þarf að lesa staflast næstum því jafn hratt upp. mér líður eins og snigli ... að reyna að komast til afríku. svo hægt gengur lesturinn ....

2005-09-19T00:58:00.000Z

brot úr degi (síðastliðnum föstudegi þeas)

"...and they will know us by the trail of gubb"

nýr dagur heilsar þrem fögrum og ferskum yngismeyjum. þær eru ekki hreinar. sólin varpar geislum sínum á kjallaraglugga á stórreykjavíkursvæðinu. smátt og smátt gægjast þungir hausar undan blómlegri sænginni sem skartar himinbláum lit og rauðum rósum, auk nokkra óskilgreindra bletta. haus eitt, undir nafninu æsa, tjáir sig fyrst þennan guðsvolaða morgun sem þó er svo fagur að skýin eru við það að tárast.
"hvar erum við?"
"heima hjá mér. við ákváðum að taka þig með okkur heim til mín", segir haus tvö á hinum endanum sem annars gengur undir nafninu líf. "mamma horfði á okkur af svölunum í nótt þegar við komum heim, þar sem þið álpuðumst um lóðina eins og veikar hænur; gudda að stíga einhvers konar regndans, og þú ælandi".
æsu var brugðið. seinasta minning gærkvöldsins innihélt vissulega áfengi. söngur og gleði; yfirlýsingar um að ölvun væri æskileg frá líf sjálfri, tíðar barferðir, skólataskan á bakinu...
skólataskan á bakinu ! "hvar er dótið mitt?!!!" öskraði æsa upp, hálf sturluð af ótta um þessa aleigu sína sem hana grunaði að lægi nú einhvers staðar ein og yfirgefin á dansgólfi í miðbænum.
"ha?! ég veit það ekki!!!", kvað gudda upp sem lá við hlið hennar. "kannski er hún niðrí bæ, eða í leigubílnum. við tékkum bara á því".
og við þessar hugrenningar um liðna atburði næturinnar staulast þær á lappir og upp í leigubíl á leið sinni til borgarinnar. minnisleysið segir til sín, og æsa rekur upp óp er hún áttar sig á að þær eru staddar í hafnarfirði. síðan tjáir líf æsu allt um næturathafnir hennar. hvernig hún ældi þarna, og þar, og líka þar, og að eftir það hafi förinni verið heitið á pravda. hvernig þau hafi tjáð álit sitt á þeim stað og ælt meir.
undir tryllingslegri drykkju allra í kring hafi líf spurt viðstadda hverjir hafi spúað innviðum sínum það kvöldið. allir höfðu rétt upp hönd, nema æsa, sem var í þann mund að iðka þá iðju sem henni var kærast það kvöldið undir hjálp viðstaddra.
gudda hlær. henni finnst þetta fyndið. loks stoppar leigubíllinn við bílinn hennar guddu við versali. klukkan er rétt að verða tími fyrir skóla. leigubílstjórinn tjáir sig loks, í fyrsta sinn alla ferðina.
"jæja ælurnar mínar. þá erum við komnar".

eftirmáli
hægt er að breyta eftirfarandi nöfnum á viðeigandi hátt
æsa = æla
gudda = gubba
líf = thule

einnig; þeir sem geta talið hversu oft minnst er á uppköst í ofangreindri smásögu fá að launum stóran thule í gleri.

2005-09-19T00:07:00.000Z

Bronsöld: Ekki eins góð og gullöld.

Það er mjög gaman þegar Mummi fer yfir próf.

2005-09-18T15:11:00.000Z

í nótt (eða kannski öllu heldur í morgun) lenti ég í mjög undarlegri atburðarás ...

ég var stödd í útlöndum með læknanemum á hóteli. við vorum þar að gera allskyns verkefni (veit ekki af hverju) og áttum að leysa ýmsar þrautir.

á hótelinu var einnig staddur menntamálaráðherra, þorgerður katrín gunnarsdóttir. hún átti að aðstoða okkur við að leysa eitt verkefnanna með því að lána okkur föt(!) ég var komin í það mál og ræddi heilmikið við hana um það hvernig best væri að koma þessu við, og við komumst að þeirri niðurstöðu að best væri að hún kæmi bara með fötin niður í kjallara, þar sem átti að leysa þrautirnar (taka ber fram að ráðherra var afskaplega næs við mig ...)

þegar kom hins vegar að því að við áttum að leysa þrautirnar var ráðherra hvergi sjáanlegur þannig að ég fór upp í herbergi til hennar þar sem hún lá sofandi í rúminu. ég bað hana afsökunar á því að trufla hana, sem hún tók afskaplega vel. við tókum til fötin og svo ætlaði ég að fara aftur niður í lyftunni.

svo festist lyftan á leiðinni og einn veggurinn í henni brotnaði af. mér til mikils léttis var ég stödd nákvæmlega við matsalinn þar sem allir krakkarnir voru að borða þannig að ég gat bara hoppað úr brotnu lyftunni inn í matsalinn(!) ég var ógeðslega fegin því ég var orðin hrædd um að lyftan myndi bara hrynja niður í kjallara fyrst hún hafði brotnað svona illa.

já, það var ýmislegt um að vera hjá mér í morgun .... núna er ég hins vegar í þjóðarbókhlöðunni og leiðist dáldið ....

2005-09-17T04:37:00.000Z

það var mjög gaman á nýnemaballi. mæli með því. 22 er flottur staður.

síðan fór ég á dillon og fékk loksins alvöru jolene. og líka perfect day því andrea er snillingur. og líka sædís því hún bað um perfect day. síðan ætluðum við á kofann en fórum ekki þangað veit ekki af hverju. svo hittum við önnu pálu og bjarna og borðuðum dót sem ég veit ekki hvað heitir, en ég veit hvað bjarni borðaði, franskar kartöfflur.

ég er ógeðslega þreytt. en það var mjög mjög gaman.

2005-09-15T22:02:00.000Z

Ég má til með að monta mig á því hvað ég er mikill snilli. Fall tvö í vikunni varð ekki að veruleika heldur stóðst ég skriflegt bílpróf með bjarma og þreföldum geislabaug yfir höfðinu.

Eftir dálítið brösótta byrjun (ég mætti sem sagt á vitlausum tíma í prófið og fékk bara að taka það því prófyfirsetan mundi eftir nafninu mínu) renndi ég mér í gegn um prófið og sat með hjartað í buxunum. Endaði samt á því að standast villulaust og fá fyrir það sérstakt hrós frá velgjörðakonu minni hjá Frumherja.

Svona geta litlir barnalegir hlutir glatt mann í gegn um tárin.

2005-09-15T09:18:00.000Z

Þjónustumerki fyrir söluskála hefur enga alþjóðlega skírskotun. Ég tek bílpróf í dag.

2005-09-15T08:55:00.000Z

Einmanalegt á ritstjórninni
Rebelið í mér tók að sér að skrópa á allsherjar starfsmannafund 365 ógnarmiðla. Þess í stað sit ég hér við tölvuna mína við verktilraunir. Tikkið í lyklaborðinu bergmálar um Skaftahlíðina og ég er ekki með neitt samviskubit enda yfirgef ég svæðið eftir örfáa daga.

Hér datt samt Brynhildur inn, Brynhildur B. sem sumir halda að standi fyrir Birtu. Hún var búin að gleyma að það væri starfsmannafundur.

Freyr G. er líka mættur. G-ið hans stendur fyrir eitthvað konunafn sem ég man aldrei. Ég held að hann hafi skrópað viljandi.

Kristín E. er komin og lýsir því hér yfir að hún skrópi að eigin vilja. E-ið hennar stendur fyrir Eva og mér fannst hún skrifa gott Stuð í morgun.

***

Annars er ég að fara bráðum út, fyrir ykkur sem ekki vitið. Stundum vildi ég að ég væri bara farin - lögð af stað í ævintýrið. Síðustu dagana hefur maður alltaf endalausar áhyggjur. Hvar á ég að sofa, hvernig á ég að vera og á ég pening fyrir þessu öllu saman? Þegar maður er lagður af stað dugir ekkert að hafa áhyggjur af því. Þá verður maður bara að finna sér stað til að sofa, föt til að vera í og láta peningana duga.

Þegar maður er lagður af stað eru áhyggjur óþarfar.

***

María Þ., Jóhanna S. og Emilía Ö. eru allar komnar og er þá orðið ljóst að það mamma er eina manneskjan í deildinni sem mætti á ógnarfundinn. (Tóta litla tindilfætt er í skólanum.) Við höfum svo mikið að gera að við getum ekki svona fyrirvaralaust farið og hitt hina í ógnarmiðlaliðinu.

Þetta var innsýn í vinnudaginn.

2005-09-13T16:59:00.000Z

Dagurinn í dag er sögulegur dagur. Í dag féll ég í prófi í fyrsta sinn. Ég féll í sifja- og erfðarétti.

Búhúhú.

Þetta kemur upp í hugann:
Helvítis kvöld á Þjóðarbókhlöðunni sem ég hefði geta eytt í eitthvað miklu skemmtilegra.
Helvítis dagar á Þjóðarbókhlöðunni sem ég hefði geta eytt í að safna mér meiri peningum.
Helvítis lagadeild fyrir að orða ekki spurningarnar þannig að maður viti hverju maður á að svara.
Helvítis e.coli baktería sem heltók nýrun mín í maí og kom í veg fyrir að ég gæti tekið prófið þá.
Helvítis fimm.
Helvítis helvíti.

2005-09-12T19:57:00.000Z

lífið á reynimelnum er ekki mjög spennandi þessa dagana. ég hef lent í meira spennandi lesefni en brjóstholinu og sædísar er sárt saknað. en það er þó ekki alveg alslæmt ...

í næsta húsi býr lítill strákur. hann er voða sætur og örugglega svona átta ára. hann er yfirleitt úti að leika með einhverjum vinum sínum og vill alltaf rosa mikið tala við mig þegar ég labba framhjá:

"átt þú heima hérna?"

"hvar áttu heima?"

"hvað ertu að gera hérna fyrst þú átt ekki heima hérna?"

svo um daginn var ég að læra um kvöld þegar ég heyri brjálaðan hamagang úti í garði og það er bankað í rúðuna mína. síðan er barið að dyrum og þegar ég opna stendur þar strákurinn í næsta húsi og tveir vinir hans: "viltu koma út að leika?"

ég svona reyni að útskýra fyrir þeim að ég geti nú ekki alveg komið út að leika þar sem ég þurfi dáldið að læra. þeim fannst það nú ekkert mjög góð afsökun og reyndu heillengi að fá mig til þess að skipta um skoðun. ég endaði með því að þurfa næstum því að reka þá burtu því þeir spurðu mig svo margra spurninga ....

annars hefur fátt á daga mína drifið og ég hef í rauninni ekki frá mörgu að segja. ég get þó frætt lesendur á því að hjartað á heima í poka og þangað liggja margar æðar og ef maður notar ekki smokk getur maður smitast af kynsjúkdómi.